Ál, ál, ál og aftur ál...

Ég er á móti fleiri álverum hér á landi, en fyrst við sitjum uppi með 3 og „einsog ástandið er“, af hverju leitar fólk ekki leiða til að framleiða e-ð hér heima úr öllu þesu áli?

Er ég sá þessa mynd af hungruðum álsinnum sýndist mér fólkið standa fyrir framan kirkjugarð, en þetta mun vera grunnurinn að Helguvíkur-álveri, sem minnir svo á legstað látinna.

Þá datt mér í hug, hvort ekki mætti framleiða legsteina úr áli og einnig líkkistur og ekki bara fyrir innanlandsmarkað heldur líka til útflutnings.

Málið er nefninlega, að við verðum að gera það besta, sem við HÖFUM, ekki það sem við munum hugsanlega hafa eftir 5-10 ár...

Hundruð slógu skjaldborg um Helguvík

Athugasemdir

[Sigurbjörg Jónsdóttir (IP-tala skráð) 23.4.2009 kl. 16:56]

Ert þú á launum hjá VG með 280.000 á mánuði.

[Adda Þorbjörg Sigurjónsdóttir, 23.4.2009 kl. 17:01]

Akkúrat! Þetta nýja álver sem skal rísa í Helguvík hefur ekki lofað allri framleiðslu sinni svo að það er góður grundvöllur til þess að vinna frekar úr áli hér heima og margfalda virðisaukann til útflutnings og þannig gjaldeyristekna. Þannig verður ávinningurinn mun meiri en áður hefur reiknast með álverunum okkar. Ég tel að við þurfum þessi álver í Helguvík og jafnvel líka á Bakka. Svo eigum við að leita líka að fleiri og fjölbreyttari orkufrekum iðnaði og framleiðslu. Aðalatriðið er að við gerum eins mikið úr því sem við höfum og hægt er og því mikilvægt að skapa meiri verðmæti úr útflutningnum.

[Ásgeir Kristinn Lárusson, 23.4.2009 kl. 17:16]

Nei Sigurbjörg, ég er ekki á NEINUM launum. Er það sem kallast atvinnulaus og það síðan í október og þigg ekki atvinnuleysisbætur.

En þú? Hvernig er staðan hjá þér?

[Anna Einarsdóttir, 23.4.2009 kl. 22:49]

Ég er líka á móti fleiri álverum en finnst verulega góð hugmynd þín varðandi nýtingu/fullvinnslu á því áli sem þegar er framleitt hérlendis.

Svo hef ég smá áhyggjur af þér.  Á hverju lifir þú eiginlega ?   

[Ásgeir Kristinn Lárusson, 24.4.2009 kl. 09:38]

Á L -oftinu :)

[Anna Einarsdóttir, 24.4.2009 kl. 23:16]

Ég veit að þú ert stoltur maður.

En....... aðstæður eru þannig núna að við Íslendingar eigum og verðum að hjálpast að.  Því legg ég til að þú skráir þig á atvinnuleysisbætur núna og lítir svo á að ég greiði skattana mína beint til þín.  Fátt yrði ég glaðari með en að skattarnir mínir væru notaðir í eitthvað skynsamlegt.