Að stóla á stöðuga neyslu...

Tíska er tilbúningur mannanna og á ekki eingöngu við um fatnað heldur nánast allt í okkar daglega lífi.  Húsgögn eru þar ekki undanskilin eða aðrir innanstokksmunir.

Fyrir nokkrum árum var fólk í massavís að skifta út eldhúsinnréttingum, taka baðherbergin í nefið og í þessar andlitslyftingar heimilanna var eytt stórum fúlgum fjár.  Sumir kölluðu þetta Völu Matt syndrómið og Innlit/útlit var viðmiðið fyrir landann og ekki ætla ég að æsa mig yfir „myndlistinni“, sem hékk svo yfir öllu klabbinu og bar og ber vitni um barnalega nálgun landans á því, sem kallast sjónlistir.

Myndin af stólunum fyrir neðan segir litla sögu af íslenskri húsgagnahönnun og smíði.  Sá lengst til hægri er heimasmíðaður í Seinni heimstyrjöldinni, sá í miðið uppúr 1960 hjá Stálhúsgögnum og sá græni þjónaði skólabörnum Langholtsskóla til margra áratuga.  Allir þjóna þeir tilgangi sínum frábærlega þrátt fyrir aldur og fyrri störf...

 

Algjört hrun í sölu húsgagna