Ég hef iðrast, því er ég frjáls.

Loks fékk ég að vita ástæðu þess, að mér var meinað að tengja blogg mitt við fréttir mbl.is.

Ég var algerlega úti á túni í þessum tengingum mínum við fréttirnar og því fór sem fór.

Nú, eftir að hafa lesið vandlega tölvupóstinn frá Árna Matt, hvar hann bendir mér kureisislega og yfirvegað á yfirsjónir mínar og í kjölfarið opnað aftur fyrir gluggann að tilverunni, þá líður mér mun betur og heiti því að í framtíðinni mun ég feta hinn gullna meðalveg blog.is og vera vel „tengdur“.

 

Athugasemdir

[Lára Hanna Einarsdóttir, 14.3.2009 kl. 01:43]

Ég sé á myndinni að þú hefur verið úti á Landakotstúni og álpast þaðan í norðaustur. 

Hvað gerðirðu annars af þér? Ég fer aldrei inn á blogg frá fréttatengingum og tek heldur aldrei eftir við hvaða fréttir fólk tengir.

Ég er örugglega líka úti á einhverju túni.

[Lára Hanna Einarsdóttir, 14.3.2009 kl. 01:44]

Og mér sýnist þú hafa minnkað textann á blogginu þínu, frusssss! 

[Ásgeir Kristinn Lárusson, 14.3.2009 kl. 09:02]

Það er nú svo, Lára Hanna, maður kemur frekar illa undan þessum fimbulfambvetri og ekki skrýtið, að sauður einsog ég, skuli afvegaleiðast á bloggtúninu.

En ég hef nú verið afréttur einsog myndin fyrir ofana sýnir. Vinstri beygja bönnuð og farsælast að fara eftir bláa skiltinu, beygja til hægri og niðurávið...

[Brattur, 14.3.2009 kl. 09:57]

Það er gott að vita af "einhverjum" sem fylgist með manni og leiðir á rétta braut þegar maður fer út af veginum... mér finnst það mikið öryggi fyrir okkur bloggarana....

[Anna Einarsdóttir, 14.3.2009 kl. 11:39]

Heyrðu já.  Hvernig væri að stækka aðeins letrið aftur ?  Ég verð að liggja með nefið á skjánum til að lesa þig. 

[Ásgeir Kristinn Lárusson, 14.3.2009 kl. 12:19]

Það má ath. þetta með textann - kannski ég ráðfæri mig við blog.is :)