Mig vantar smá (tæknilegar?) upplýsingar...

Fyrir sléttri viku fór ég á myndlistaropnun og einsog ég geri oft við slík tækifæri, þá tók ég nokkrar myndir á litlu, sætu Ixus vélina mína.  Um kvöldið, er ég hafði „framkallað“ myndirnar í tölvunni, þá tók ég eftir einkennilegum hringjum á einni myndinni.  Næstu mynd tók ég 12 sekúndum síðar (beið eftir að maðurinn yfirgæfi myndflötinn), á sama stað og notaði flassið í bæði skiftin.

Er einhver þarna úti, sem vill kommentera á þetta? (klikka x2 á mynd)

(Sé reyndar núna, efst, hægra megin í neðri mynd, móta fyrir hring)

 

 

 

 

 

 

 

 

 

 

 

 

 

 

 

 

 

 

 

 

 

 

Athugasemdir

[Jón Steinar Ragnarsson, 22.11.2008 kl. 21:38]

Mér þykir þetta alveg stórmerkilegt.  Það eru ansi áberandi munstur á ferð þarna og engu líkara en þetta séu gamaldags heklaðir dúkar, sem líða þarna upp úr höfði mannsins.  Munstrið er reglulegt, minnir jafnvel svolítið á mávastellsdiska, en enginn þessara "dúka" er alveg eins.

Ef þetta er einhverskonar speglun, þá er þetta one in a trillion.

[Lára Hanna Einarsdóttir, 22.11.2008 kl. 21:41]

Ég segi eins og Jón Steinar - þessir hringir minna mig á dúkana sem amma heklaði hérna í den.

Það sést í einn "dúk" efst vinstra megin á neðri myndinni. En hvað í ósköpunum er þetta? Var eitthvað hinum megin í salnum sem endurkastaðist? Eða ljós á hreyfingu eða... hvað?

[Ásgeir Kristinn Lárusson, 22.11.2008 kl. 21:45]

Hef tekið hundruðir mynda með flassi og þúsundir án þess á vélina en þetta er í fyrsta sinn, sem þetta „framkallast“ svona. Ástæðan fyrir því að ég mundi eftir þessu, er að fyrr í kvöld sá ég myndband á YouTube af skrýtnum ljósagangi, sem myndaður var í Mexíkó. Í því myndbandi ummyndaðist þetta „ljós“ í mjög líkt form og kom fram á mínum myndum.

[Ásgeir Kristinn Lárusson, 22.11.2008 kl. 21:51]

Minnir mig á „andlegar“ marglyttur - setti inn þriðju myndina til hliðsjónar...