Íslenska Ríkið stórtækasti eiturlyfjasalinn.

Ég reyki - ennþá, og hef gert í 35 ár og ekki reyki ég af heilsufarsástæðum eða samkv. læknisráði, það er nokkuð ljóst.  Ég reyki ennþá, vegna þess hve erfitt mér hefur reynst að hætta þessum ósóma, vegna þess að nikótín er mest ávanabindandi efni, sem fyrirfinnst, og það er víst viðurkennd staðreynd að 30% þeirra, sem reykja, geta nánast með engu móti hætt.

En þá komum við að stóru spurningunni: Hvers vegna selur Ríkið þegnum sínum eitur og hvað réttlætir þessa eiturbyrlun þegnanna með tilheyrandi heilslubresti og útgjöldum til heilbrigðismála tengdum reykingum?  Í rauninni sé ég engin rök með því að selja tóbak og allra síst að Ríkið hafi einkaleyfi til þess.

Hins vegar finnst mér að taka mætti upp tóbaksræktum á Íslandi og þá til svokallaðra einkanota.  Gæti alveg hugsað mér að troða íslensku tóbaki endrum og eins í pípustert...

60% seldu unglingum tóbak í Hafnarfirði

Athugasemdir

[Birkir Ingason (IP-tala skráð) 22.4.2009 kl. 12:34]

Já það er ótrúlegt að ríkið hafi leyfi til að drepa þegna sína, bæði með áfengi og tóbaki. Þetta er greinilega svo mikill gróði í þessu að ríkið myndi aldrei týma að láta þetta í einkaaðila. Það hefur heldur ekki verið skynsamlegt að láta svona viðskipti í einkaeiga samanber bankana. Annað sem stingur mig í augun á hverjum degi og það er að SÁÁ rekur spilakassa, það er vitað mál að margir hafa fest í þessarri dýru iðju og eru haldnir spilafíkn. Svo er SÁÁ með meðferð við spilafíkn. Svo að þegar þú ert búinn að eyða aleigunni í spilakassana þá ferðu til SÁÁ og færð meðferð í að hætta þessu. Svo að strangt tiltekið eru þeir sem spila í kössunum að borga "heim" til SÁÁ. Og ríkið leggur pening í forvarnarverkefni SÁÁ. Þetta virkar alveg eins með áfengið, þeir sem eru orðnir háðir því fara í meðferð sem er styrkt af ríkinu. Þetta er nú meiri hringavitleysan að það er ekki með nokkru lagi líkt.

[Axel (IP-tala skráð) 22.4.2009 kl. 16:33]

Ef áfengi eða tóbak væri að koma til núna í dag og við vissum hversu slæm efni þetta væru, er alveg augljóst að þetta yrið aldrei leyft. Hins vegar þegar milli 15 og 20 % íslendinga reykja og eins og staðan er í dag held ég að það sé alveg ómögulegt að banna þetta en við getum allavega með öflugum forvörnum og hömlunum dregið úr neyslu sem hefur verið gert undafarin ár/-tugi og stefnt með lagntímaplani að þetta verði einhverntíman bannað t.d. eftir 20-30 ár.

Hins vegar þá hef ég aldrei skilið fólk sem vill bæta gráu ofan á svart með því að lögleiða kanabisefni?? Það fólk hefur allavega engann áhuga á að bæta ástandið.

[Ásgeir Kristinn Lárusson, 22.4.2009 kl. 18:15]

Undirstrika, að ég vil heimila ræktun tóbaks til „heimabrúks“. Vil bara að við Íslendingar ræktum allt, sem hægt er að rækta...