Atvinnuhugmynd.

Í Grímsnesi og nágrenni eru hundruðir sumarhúsa, sem flest hver eru í besta falli nýtt um helgar yfir vetrartímann.  Því er auðvelt fyrir grímuklædda menn að athafna sig í rólegheitum í skógivöxnu Grímsnesinu og fylla sendibíla af flatskjám og frystikistum.

Nú ættu nokkrir vaskir, atvinnulausir menn að taka sig saman og stofna með sér öryggisgæslu, sem staðsett væri í húsi í Grímsnesinu.  Kjarni hópsins gæti samanstaðið af 8-10 mönnum og væru 4 menn á 2 vel útbúnum bílum á stöðugri yfirferð um svæðið.

Tryggingafélög og félag sumarbústaðaeigenda hljóta að sjá hag sínum borgið með aðkomu að og fjármögnun slíkrar öryggisgæslu.

   

Tvö innbrot í Grímsnesi

Athugasemdir

[Pétur Svavarsson (IP-tala skráð) 16.3.2009 kl. 11:55]

Mjög flott hugmynd. Reynt var að brjótast inn í bústaðinn minn fyrir mánuði síðan. Tókst ekki sem betur fer en mikil eyðilegging eftir kúbein á tveimur hurðum og körmum. Samt er ég með þjóvavörn og límmiða frá Öryggismiðstöðinni í hverjum glugga. Ég er ekki í vafa um að flestir sem eiga sumarbúsðað í hverfinu myndu þiggja slíka þjónunstu....