Seinni hálfleikur hafinn.

Í rúma þrjá mánuði hefur fólk safnast saman á laugardögum á Austurvöll til að mótmæla og krafist þess að ríkisstjórn, stjórnir Seðlabanka og FME og hið gamla/nýja spillingalið bankanna víki.

Ekkert hefur breyst, sama liðið heldur enn í sínum hroka um stjórnvölinn, situr enn að „sínum“ kjötkötlum.

Í dag hófst seinni hálfleikur mótmæla og af fullum krafti.  Ef stjórnvöld grennslast ekki fyrir um sinn vitjunartíma í lok þessa dags og í kjölfarið stíga til hliðar fyrir nýju fólki, nýju og réttlátara Íslandi, þá verður þeim mjög fljótlega hjálpað til þess svo eftir verður tekið.

Mannfjöldi á Austurvelli

Athugasemdir

[Kalli (IP-tala skráð) 20.1.2009 kl. 21:43]

Ég styð ekki eggjakast á lögregluna eða þinghúsið.  Ég vil að ríkissjórnin fái starfsfrið.

Bara svo að þú vitir að það er fólk með andstæðar skoðanir við þínar.

[Ásgeir Kristinn Lárusson, 20.1.2009 kl. 21:53]

Það er þó byrjun, Kalli (IP-tala), að þú hafir skoðun. Ef þú vilt skoðanaskifti af einhverju viti, þá skaltu koma fram undir fullu nafni.

[Olafur Sigurðsson (IP-tala skráð) 20.1.2009 kl. 21:55]

Það eru nokkrir sjálfstæðismenn sem sitja um blogg og gera athugasemdir með þeirra hætti. Ég er með tillögu, hættum að versla við eða kaupa þjónustu frá fyrirtækjum sem sjálfstæðismenn eiga. Merkjum dyrnar þar "Varúð - óvinir þjóðarinnar."

Bara, tillaga.

[Ásgeir Kristinn Lárusson, 20.1.2009 kl. 22:00]

Það væri gott ef fólk byrjaði morgundaginn á því að segja upp áskrift sinni að Stöð 2. Í kvöld sýndu þeir drottnigarviðtal við Bjarna Ben. Þar kom víst fram að hann væri slakur í uppvaskinu!

[Anna Einarsdóttir, 20.1.2009 kl. 22:45]

Við tökum þátt í seinni hálfleiknum.  Ekki spurning !